Для тых, хто адбірае гісторыю, адмаўляючы яе.

Памяць – гэта веды (і на 90 % веды аб тым, што і як было, гісторыя). Памяць без ведаў немагчымая, бо немагчымыя веды, веданне без памяці.

Памяць плюс пабудаваная, заснаваная на ёй Свабода Волі, свабода асабістага выбару, ёсць ужо свядомасць, усведамленне.

– Памяць, гісторыя, веды плюс Свабода Волі ёсць Свядомасць.

Яшчэ прасцей. Памяць і плюс Свабода Выбару ёсць Свядомасць. Як асабістая, так і грамадзянская.

Гуляючы словам, можна сказаць, што, калі ў Свядомасці адняць Свабоду Выбару, застанецца памяць, гісторыя, у якой мы ўсё, многае разумеем, але ўжо нічога не можам змяніць.