Нястойкая няўдача лепей за нястойкую ўдачу.

Загадзя напісаў гэтыя словы, і вось яны збыліся. Ездзіў у Сімф[еропаль] чытаць «Маці ўрагану». Абакралі. І прыступ. Дзякуй богу, калі ўсё гэта хутка пройдзе.

А ўвогуле лета дрэнь. Вось сёння на вуліцы 18℃, але ветрык халодны, холадна і ў хаце, што настыла за дні сцюдзёныя, няўтульна, вады гарачай ужо з месяц няма (так кожны год): яшчэ месяц не будзе. Работы вышэй галавы, рэзультаты невядомыя. Словам, хто ведае.

Вечарам скончыў вычытку сцэнарыя «Чорнага замка».